منع الجريمه بشكل نهائي هو من المستحيلات لانها موجوده حتى في ارقى دول العالم وأكثرها تقدماً

لكن يمكن الحد منها واقتراحي كما يلي

اخوتي الأعزاء حسب الإحصائيات مجود في مجتمعنا العربي ما يقدر ب 70 الف قطعة سلاح
غير مرخصه ، يلي الشرطه ما قادره تجمعها او بالأحرى مش معنيه تجمعها ، اقتراحي لكم كتالي:

* اولا تصنيف حيازة السلاح الغير مرخص تحت ملف امني، قبل 25 سنه كان يلي تنمسك عنده رصاصه يلبس تيك امني يتدمر في مستقبله لانه ما يقدر يشتغل كتير اشغال ، منها شوفير تكسي شوفير باص ، باي مؤسسه حكوميه ، يمنع من السفر وغيره وما كنا نشوف حالات إظهار للسلاح ،، ولما تأكدت الدوله انه السلاح صار عشان احمد يقتل محمود ،صار السلاح بليلي زيه زي السرقه وحيازة المخدرات وحتى زي مخالفات السواقه ،، ومن بعدها بلش السلاح يظهر بشكل كبير

* ثانيا المثل بقول يلي ما بتقدر عليه صاحبه ،بما انه الدوله تدعي انها مش قادره تجمع السلاح ، وسلاح موجود وموجود اقترحوا انه كل انسان عنده سلاح ترخصله اياه الدوله ويروح فيه ، فوائد هذا الاقتراح
*

1-بالنسبه للدوله لو قدرت ترخص 50 ٪؜ من هاد السلاح معناه انه كل قطعه ترخصت ببطل في مجال انها تنتقل من ايد لايد وتستعمل في عمليات إطلاق النار لانها مسجله عاسم انسان وما رح يقبل انه يتبهدل ،، بالزبط زي يلي ما يقبل انه يصير سرقه او سطو مسلح بسيارته فيستخدم سياره مسروقه

٢- الدوله بتكون على درايه تامه بكل قطعه سلاح وين موجوده

3-بما انه صار في ترخيص عندها يستطيع الفرد شراء السلاح من المحلات المرخصه بسعرها البيعي 5000 او 6000 وتستفيد الدول بدل ما يشتريه من السوق السوداء

4-الحد من تجار السلاح وضربهم في الصميم

اما بالنسبه لحامل السلاح فالفوائد كالتالي

- بما انه السلاح مرخص فيستطيع الانسان حيازته فقط في بيته بدون الخوف من اي مداهمه من الشرطه ومسائله قانونيه
- طبعاً الترخيص فقط لحيازة السلاح في البيت للدفاع عن النفس وعدم حملانه خارج البيت ، عندها مطلق النار رح يحسب الف حساب انه يروح يطخ عبيت او عاي محل مع احتمال كبير انه صاحب البيت او صاحب المحل يكون مسلح
-يلي نفسه يكون عنده فرد يشتريه بسعر زهيد من ٤٠٠٠/٦٠٠٠ شيكل من المحلات المرخصه بدل ما يشتريه من الشارع بسعر يتراوح بين ٣٠/٦٠ الف شيكل
شكرا وبالتوفيق

الكلمات الدلالية :